Ramazon o‘xshashi yo‘q, fazilatda tengi yo‘q muborak oydir.

U ezgulik sayli, toat mavsumi, yaxshiliklar musobaqasidir.

Bu oyda qilinadigan fazilatli amallar juda ham ko‘p. Insonlarga saxovat, xayr-ehson qilish esa ana shu fazilatli amallarning ko‘zga ko‘ringanlaridan hisoblanadi.

Xayrli ishlarni amalga oshirishni maqsad qilgan xolda, xalq deputatlari Muzrabot tumani Kengashi deputatlari tomonidan ham o‘zlari saylangan hududlardagi mahallalarda kam ta’minlangan, boquvchisini yo‘qotgan oilalar va mehnat faxriylari axvolidan xabar olinib imkon qadar moddiy yordamlar ko‘rsatib kelinmoqda.

Jumladan, xalq deputatlari Muzrabot tumani Kengashiga 17-Do‘stlik saylov okrugidan saylangan deputat Sidnenko Vera Viktorovna tomonidan muborak Ramazon oyi munosabati bilan tumandagi “Do‘stlik” mahallasida istiqomat qiluvchi kam ta’minlangan oilalarga, ijtimoiy himoya muhtojlarga va imkoniyati cheklanganlarga xayr-ehson qilindi.

Bunday hayriya tadbirlarini tuman Kengashi deputatlari doimiy ravishda amalga oshirib kelmoqdalar.