O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qarori bilan belgilangan tartib asosida hududlarda deputatlar tomonidan nazorat tadbirlari tizimli ravishda amalga oshirilmoqda.

Mazkur hujjat ijrosi doirasida Xalq deputatlari Qiziriq tumani Kengashi raisi J.Xudoyqulova Kengash deputatlari J.Donayev hamda M.Juraqulovalar hamkorlikda tumandagi “Oqjar” mahallasida bo‘lib, mahalla yettiligi faoliyati bilan yaqindan tanishdi.

O‘rganish davomida mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim hamda soliq xodimi tomonidan aholi bilan olib borilayotgan ishlar, muammolarni manzilli hal etish, bandlikni ta’minlash, ijtimoiy himoyaga muhtoj qatlam bilan ishlash, huquqbuzarliklar profilaktikasi va yoshlar masalalari bo‘yicha amalga oshirilayotgan chora-tadbirlar muhokama qilindi.

Joylarda mavjud muammolar va kamchiliklar yuzasidan mas’ul tashkilotlar bilan hamkorlikda aniq choralar belgilandi. Aniqlangan masalalar ijrosi deputatlar tomonidan doimiy nazoratga olindi.

Mazkur o‘rganishlar mahalla yettiligi faoliyatini yanada takomillashtirish, aholi murojaatlarini o‘z vaqtida va samarali hal etish hamda joylarda davlat siyosati ijrosini kuchaytirishga xizmat qiladi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 3