Xalq deputatlari Jalaquduq tuman Kengashi deputati Ergashvoy Qurbonov Jalaquduq tumanini ijtimoiy-iqtisodiy rivojlantirish bo`yicha belgilangan chora-tadbirlarni manzilli o`rganish, ularning ijrosini ta`minlash hamda samarali deputatlik nazoratini o`rnatish maqsadida tumandagi 15-sonli maktabgacha ta`lim tashkilotida amalga oshirilayotgan ishlar bilan yaqindan tanishdi. Tashrif davomida maktabgacha
ta`lim tashkilotida guruh xonalarining jihozlanishi, bolalar uchun yaratilgan shart-sharoitlar, oziq-ovqat ta`minoti hamda tarbiya jarayonining sifati atroflicha o`rganildi. Shuningdek, muassasaning moddiy-texnik bazasini mustahkamlash, zamonaviy o`quv-tarbiya vositalari bilan ta`minlash va bolalar xavfsizligini ta`minlash borasida amalga oshirilayotgan ishlar yuzasidan mas`ullar axboroti tinglandi. 

Deputat tomonidan aniqlangan ayrim kamchiliklarni bartaraf etish bo`yicha mutasaddilarga tegishli tavsiya va ko`rsatmalar berildi. Ayniqsa, bolalarning sifatli ta`lim-tarbiya olishi, sog`lom va xavfsiz muhitda voyaga yetishi uchun zarur shart-sharoitlarni yanada
yaxshilash masalalariga alohida e`tibor qaratildi. Shu bilan birga, ta`lim muassasasida ishchi-xodimlar bilan muloqot o`tkazilib, ularning taklif va muammolari o`rganildi. Maktabgacha ta`lim tizimini rivojlantirish orqali tumanning ijtimoiy salohiyatini oshirish, yosh avlodni har tomonlama barkamol etib tarbiyalash ustuvor vazifalardan biri ekani ta`kidlandi.