Búgin Taxtakópir rayonı hákimliginiń májilisler zalında Xalıq deputatları Taxtakópir rayonlıq Keńesiniń gezektegi on segizinshi sessiyası bolıp ótti.

Sessiya jumısında siyasiy partiyalar, rayon hákiminiń orınbasarları, mákeme, kárxana, shólkem basshıları hám jergilikli ǵalaba xabar qurallarınıń wákilleri qatnastı.

Sessiyanı Xalıq deputatları Taxtakópir rayonlıq Keńesiniń baslıǵı Reyov Allayar alıp bardı.

Sessiya kún tártibine muwapıq:

1. Taxtakópir rayonı “A.Adilov” APJnıń "Jańa Ózbekstan kórinisindegi máhálle"ler taypasına ózgertiw boyınsha 2026-jılda ámelge asırılatuģın tiykarģı joybarlar (áhmiyetli joybarlar)dı tastıyıqlaw haqqında.

2. Taxtakópir rayonındaģı awır taypadaģı máhállelerdi "Jańa Ózbekstan kórinisindegi máhálle"ler taypasına ózgertiw boyınsha is-ilájlar dástúrin tastıyıqlaw haqqında.

3. Taxtakópir rayonındaģı “Múlik” hám “Qaraoy” APJlardı "Jańa Ózbekstan kórinisindegi máhálle"ler taypasına ózgertiw boyınsha is-ilajlar dástúrin tastıyıqlaw haqqında.

4. Taxtakópir rayonı hákiminiń qurılıs, kommunikaciyalar, kommunal xojalıģı, ekologiya hám kóklemzarlastırıw máseleleri boyınsha orınbasarı P.Ernazarovtıń rayonda 2025-jılda ámelge asırılģan qurılıs-ońlaw hám abadanlastırıw tarawında ámelge asırılģan jumıslar haqqında.

5. Taxtakópir rayonı ishki isler bólimi baslıģı orınbasarınıń 2026-jıldıń
1 ayı (yanvar) dawamında rayon aymaģında jınayatshılıqqa qarsı gúresiw, jámiyetlik tártipti saqlaw hám puqaralardıń qáwipsizligin támiyinlewde ámelge asırılģan jumısları haqqında.

6. Taxtakópir rayonı jergilikli byudjetiniń 2025-jıl dawamında orınlanıwı boyınsha hám de rayonlıq jergilikli byudjetiniń 2026-jıl 1-yanvar jaģdayına anıqlanģan erkin qaldıq esabınan ajıratılatuģın qarjılar haqqında.

7. 2025-jıl 12 ayı dawamında Taxtakópir rayonı Jaslar isleri bólimi tárepinen ámelge asırılģan jumısları haqqında.

8. Ózbekstan Respublikası Ministrler Kabinetiniń 2024-jıl 11-oktyabr kúngi 665-sanlı qararına tiykar Taxtakópir rayonında 2026-jılda ShPS qaplamaģa ótkeriliwi belgilengen 14 kilometr ishki jollardıń mánzilli dizimin tastıyıqlaw haqqında.

9. Taxtakópir rayonındaģı kóp kvartiralı turaq jaylardıń tutas aymaqlarında 2026-2027-jıllarda ámelge asırılıwı belgilengen qurılıs-ońlaw jumıslarınıń mánzilli dizimin tastıyıqlaw haqqındaǵı máseleleri kórip shıǵıldı.

Sessiya kún tártibindegi máseleler boyınsha deputatlar ózleriniń pikir hám usınısların bildirdi. Soń kórilgen máseleler boyınsha Xalıq deputatları Taxtakópir rayonlıq Keńesi tárepinen tiyisli sheshimler qabıl etildi.