Олий Мажлис Қонунчилик палатаси депутати Муқаддасхон Аҳмедова Олтинкул тумани 42-мактаб ўқувчи қизлар билан давра суҳбати ўтказди. Учрашувда эрта турмушнинг салбий оқибатлари, ёшлар орасида жиноятчилик ва ҳуқуқбузарликнинг олдини олиш масалалари муҳокама қилинди.

Учрашув давомида “Креатив тадбиркор ёшлар” лойиҳаси ҳақида ҳам кенг тушунчалар берилди. Лойиҳа доирасида ёшларга ўз тадбиркорлик салоҳиятини ривожлантириш, янги ғоя ва ташаббусларини амалиётга татбиқ этиш, ижтимоий фаолликни ошириш ҳамда маҳалла ва жамият ривожига ҳисса қўшиш имкониятлари батафсил тушунтирилди.

Маҳалла ва мактабларда олиб борилаётган бундай учрашувлар жиноятчиликка қарши кураш ва ёшлар тарбиясида муҳим аҳамиятга эга бўлиб, давлатимиз раҳбарининг устувор вазифаларини ҳаётий амалга оширишга хизмат қилади.