Xalq deputatlari Ulug‘nor tumani Kengashi

Yangiliklar

So‘ngi yangiliklar

Xalq deputatlari tuman Kengashi raisi X.Raximov tomonidan og‘ir mahalla toifasiga kiritilgan Yoshlik mahallasida amalga oshirilayotgan obodonlashtirish va infratuzilmani yaxshilash ishlarining borishi o‘rganildi.

Xalq deputatlari tuman Kengashi deputati X.Xamidov O‘zbekiston Respublikasi Prezidentining 2026-yil 16-fevraldagi PQ–62-sonli qarori ijrosini ta’minlash maqsadida Mingchinor mahallasi hududida qurilishi boshlangan tikuvchilik korxonasida bo‘lib, qurilish ishlarining borishi bilan tanishdi.

Xalq deputatlari tuman Kengashi raisi X.Raximov Uchko‘prik mahallasiga tashrif buyurib, hududda tashkil etilayotgan baliq va baliq urug‘i yetishtirish laboratoriyasi ish jarayonlari bilan yaqindan tanishdi.

Xalq deputatlari tuman Kengashi raisi X.Raximov tomonidan mahalla binolarini qurish va rekonstruksiya qilish ishlarining borishi yuzasidan o‘rganish ishlari amalga oshirildi

Xalq deputatlari tuman Kengashi kotibiyati mudiri G.Bobojonova tomonidan tumandagi 2-davlat maktabgacha ta’lim tashkiloti faoliyati o‘rganildi.

Xalq deputatlari Ulug‘nor tumani 20-Uchko‘prik saylov okrugi deputati Alimov Dilshodbek G‘ulomovich tomonidan o‘zi saylangan saylov okrugida O‘zbekiston Respublikasi Prezidentining 2026-yil 16-fevral kungi “Andijon viloyatini ijtimoiy-iqtisodiy rivojlantirishga qaratilgan chora-tadbirlarni yanada jadallashtirish to‘g‘risida”gi PQ-62-sonli qarori ijrosini ta’minlash yuzasidan tizimli nazorat tadbirlari o‘tkazildi.

Xalq deputatlari Ulug'nor tumani Kengashi deputati U.Achilov tomonidan aholini qiynayotgan muammolarni joyida o‘rganish va ularga tezkor yechim topish maqsadida To‘rttol mahallasida amaliy uchrashuv tashkil etildi.

Xalq deputatlari tuman Kengashi deputati U.Achilov tomonidan aholi bilan muloqotni kuchaytirish, mahallada olib borilayotgan ishlar samaradorligini oshirish hamda mavjud muammolarni joyida hal etish maqsadida To‘rttol mahallasida faoliyat olib borayotgan “Mahalla yettiligi” a’zolari bilan uchrashuv tashkil etildi.

Xalq deputatlari tuman Kengashi deputati K.G‘oziyev hamda kotibiyat xodimlari tomonidan tumandagi 11-umumta’lim maktabida o‘quvchilarning sportga jalb etilishi, mavjud sport to‘garaklari faoliyati, shuningdek, sport jihozlari va sport zallarining holati o‘rganildi.

Xalq deputatlari tuman Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Aholini ro‘yxatga olishda joylarda tizimli ishlar va deputatlarning faol ishtiroki

Aholini ro‘yxatga olishda joylarda tizimli ishlar va deputatlarning faol ishtiroki

Ayni paytda mamlakatimizning barcha hududlarida aholini ro‘yxatga olish bo‘yicha amalga oshirilayotgan ishlar yuqori sur’atlarda davom etmoqda. Ushbu muhim davlat tadbirining samarali va belgilangan muddatlarda o‘tkazilishini ta’minlash maqsadida joylarda zarur tashkiliy hamda amaliy choralar ko‘rilmoqda. Xususan, aholining ro‘yxatga olish jarayoniga bo‘lgan tushunchasini oshirish, uning ahamiyatini keng jamoatchilikka yetkazish yo‘nalishida muntazam targ‘ibot-tushuntirish ishlari olib borilmoqda.

Fuqarolar uchun qulay shart-sharoitlar yaratish va jarayon davomida yuzaga kelishi mumkin bo‘lgan muammolarni bartaraf etish maqsadida mahalla yettiligi tomonidan manzilli yordamlar ko‘rsatib kelinmoqda. Jumladan, hujjatlarni to‘g‘ri va o‘z vaqtida rasmiylashtirishda amaliy ko‘mak berilmoqda, shuningdek, keksalar, nogironligi bo‘lgan hamda ijtimoiy himoyaga muhtoj shaxslarga alohida e’tibor qaratilmoqda.

Shu bilan birga, hududdan saylangan xalq deputatlari ham aholini ro‘yxatga olish jarayonida faol ishtirok etib, mahalla yettiligi bilan hamkorlikda samarali ishlarni amalga oshirmoqda. Deputatlar aholi bilan joylarda bevosita muloqot o‘rnatib, ularning murojaat va takliflarini tinglamoqda, aniqlangan muammo va kamchiliklar yuzasidan tegishli tashkilotlarga takliflar kiritmoqda. Bu esa aholini ro‘yxatga olish jarayonining ochiq, izchil va samarali o‘tishiga xizmat qilmoqda.

Slide 1 of 7