Buloqboshi tumani hokimligi, Xalq deputatlari tuman Kengashi, Mudofaa ishlari bo‘limi, 9253-sonli harbiy qism hamda tuman hududidagi 2-, 7-, 8-, 9-, 23-, 29- va 31-sonli umumta’lim maktablarining Chaqiruvga qadar boshlang‘ich tayyorgarlik fani rahbarlari va “Vatan tayanchi” guruhi a’zolari ishtirokida mazmunli va saviyali tadbir tashkil etildi. 

Ushbu tadbir davomida faxriy harbiylar ham tashrif buyurib yosh vatanparvarlarga o‘z tafsiyalarini berib kelgusida yosh avlodni harbiy-vatanparvarlik ruhida tarbiyalash, ularning jismoniy va ma’naviy tayyorgarligini oshirish, shuningdek, chaqiruvga qadar boshlang‘ich tayyorgarlik fanining ahamiyati va uni o‘qitishdagi dolzarb vazifalar muhokama qilindi. Shuningdek, “Vatan tayanchi” guruhi a’zolarining
faoliyatini yanada takomillashtirish, ta’lim muassasalari va harbiy tuzilmalar o‘rtasidagi hamkorlikni mustahkamlash masalalariga alohida e’tibor qaratildi. 

Tadbir yakunida mazkur yo‘nalishda faol ishtirok etgan, o‘z mehnati va tashabbuskorligi bilan ajralib turgan ishtirokchilarga Buloqboshi tumani hokimligi tomonidan esdalik sovg‘alari topshirilib, ularning kelgusidagi faoliyatiga muvaffaqiyatlar tilab qolindi.