Bugun Toyloq tuman hokimi, tuman Kengashi raisi Behzod Raxmatullayev Nuroniy mahallasida sayyor qabul o‘tkazdi. 

Qabul davomida mahalla aholisi tomonidan gaz va elektr energiyasi ta’minoti, ichimlik suvi, moddiy yordam, tibbiy xizmat ko‘rsatish, o‘qish uchun kontrakt to‘lovini qoplash hamda boshqa oilaviy masalalar yuzasidan bir qator murojaatlar bildirildi.

Fuqarolar tomonidan ko‘tarilgan har bir masala atroflicha tinglanib, ularni ijobiy hal etish maqsadida tegishli mas’ullarga aniq vazifalar belgilab berildi. Shuningdek, murojaatlarning o‘z vaqtida va sifatli bajarilishi qat’iy nazoratga olindi.

Tuman hokimi Behzod Raxmatullayev har bir murojaatni shaxsan o‘z nazoratiga olib, aholining muammolarini joyida hal etish, fuqarolar bilan ochiq muloqotni yanada kuchaytirish muhimligini ta’kidladi.

Tuman hokimi, tuman kengashi raisi

B.Raxmatullayev.