Samarqand shahar Kengashi deputatlari Abbos Hazratqulov va G‘aybullayev Fazliddin saylovchilar murojaatlarini joyida o‘rgandi

📌 Xalq deputatlari Samarqand shahar Kengashi deputatilari Abbos Hazratqulov va Fazliddin G‘aybullayev shahardagi Nurli yo‘l mahallasi aholisi bilan uchrashuv o‘tkazib, hudud aholisini qiynayotgan dolzarb muammolarni joyida o‘rgandi.

📌 Uchrashuv davomida fuqarolar tomonidan bildirilgan murojaatlar joyiga chiqib ko‘rib chiqildi. Xususan, yo‘l qurilishi va kommunal sohalarga oid masalalar atroflicha o‘rganildi. Shuningdek, noqulay ob-havo va yog‘ingarchilik oqibatida yuzaga kelgan hamda zudlik bilan bartaraf etishni talab qilayotgan muammolar yuzasidan tegishli choralar belgilash maqsadida mas’ul tashkilotlar vakillari bilan joyida uchrashuvlar o‘tkazildi.

📌 Deputatlar tomonidan aniqlangan muammolarni hal etish bo‘yicha tegishli chora-tadbirlar rejasi ishlab chiqilib, ularning ijrosi deputatlik so‘rovlari orqali nazoratga olindi. Mazkur uchrashuvlar aholi bilan ochiq muloqotni ta’minlash, hududdagi muammolarni o‘z vaqtida hal etishga xizmat qiladi.