Xalq deputatlari Ishtixon tumani Kengashi deputati Sh.Mardanova tumandagi 9-sonli oilaviy poliklinikaga tashrif buyurib, aholining bepul dori vositalari bilan ta’minlanishi bo‘yicha joyida o‘rganish ishlarini olib bordi.

🔎 O‘rganish jarayonida quyidagi masalalar ko‘zdan kechirildi:

-bemorlarga bepul berilishi lozim bo‘lgan dori vositalarining mavjudligi;

-dorilar yetkazib berish jarayoni va ularning hisob-kitobi;

-aholining dori ta’minoti bo‘yicha murojaatlari va ularning amalda bajarilishi;

-dorixonalar va poliklinika o‘rtasidagi hamkorlik mexanizmi.

👩‍⚕️ Deputatning tashrifi davomida shifokorlar bilan suhbat o‘tkazib, tizimdagi muammolar, kamchiliklar va ularni bartaraf etish bo‘yicha zarur tavsiyalar berildi.

💠 Ushbu o‘rganishning maqsadi — aholining dori vositalariga bo‘lgan ehtiyojini o‘z vaqtida va sifatli ta’minlash, jarayonda shaffoflikni kuchaytirish hamda tizimda yuzaga kelayotgan muammolarning oldini olishdir.