Xalq deputatlari Qo‘qon shahar Kengashining 17-«Marg‘ilon darvozasi» saylov okrugidan saylangan deputati B. Usmanov tomonidan «Marg‘ilon darvozasi» mahalla fuqarolar yig‘ini hududida o‘rganish ishlari olib borildi.

O‘rganish davomida hokim yordamchisi D. Ahmadjonov tomonidan norasmiy sektorda faoliyat yuritayotgan tadbirkorlik subyektlarini davlat ro‘yxatidan o‘tkazish, ularni «soyadan chiqarish» hamda ish o‘rinlarini qonuniy ravishda rasmiylashtirish bo‘yicha amalga oshirilayotgan ishlar o‘rganildi.

Xususan, A. Navoiy ko‘chasi, 156-uy manzilida joylashgan «Chaqaloq Kids» bolalar kiyimlari do‘koni faoliyatini xatlovdan o‘tkazish ishlari olib borildi.

Mazkur o‘rganishlar doirasida tadbirkorlik subyektlarini qonuniy faoliyat yuritishga jalb etish, ularning davlat ro‘yxatidan o‘tishini ta’minlash hamda ish o‘rinlarini rasmiylashtirish masalalariga e’tibor qaratildi.

Mahallalarda tadbirkorlik faoliyatini rivojlantirish, norasmiy bandlikni qisqartirish va ish o‘rinlarini qonuniylashtirishga qaratilgan ishlarni o‘rganish deputatlik faoliyatining muhim yo‘nalishlaridan biridir.

Xalq deputatlari Qo‘qon shahar Kengashi