Hududlarda soliq tushumlarining o‘z vaqtida va to‘liq ta’minlanishi mahalliy budjet daromadlarini shakllantirish, mavjud mablag‘lardan samarali foydalanish hamda hududlarni rivojlantirishda muhim ahamiyat kasb etadi.

Xalq deputatlari Yangiobod tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi H.Qudratov tuman Soliq inspeksiyasida bo‘lib, hududlarda jismoniy shaxslardan olinadigan soliqlarni undirish, soliq tushumlarini ta’minlash hamda ushbu yo‘nalishda amalga oshirilayotgan ishlar bilan tanishdi.

O‘rganish jarayonida jismoniy shaxslarning soliq majburiyatlarini o‘z vaqtida bajarishi, soliq qarzdorligining oldini olish va fuqarolar o‘rtasida soliq qonunchiligi bo‘yicha tushuntirish ishlarini kuchaytirish masalalariga e’tibor qaratildi.

Deputat tomonidan soliq to‘lovchilar bilan manzilli ishlash, mavjud muammolarni o‘z vaqtida aniqlash, aholiga soliq majburiyatlari yuzasidan tushunarli ma’lumot berish hamda soliq tushumlari holatini muntazam tahlil qilib borish bo‘yicha taklif va tavsiyalar bildirildi.

Doimiy komissiyaning ushbu yo‘nalishdagi o‘rganishlari mahalliy budjet daromadlarini mustahkamlash, soliq tushumlari barqarorligini ta’minlash va hududning iqtisodiy rivojlanishiga ko‘maklashishga qaratilgan.