Iqtisodiy o‘sish ko‘rsatkichlari

Joriy yilning yanvar–sentabr oylarida tumanda:

Sanoat mahsulotlari ishlab chiqarish — 925,5 mlrd so‘m (115,3 foiz);

Qishloq xo‘jaligi mahsulotlari — 1,1 trln so‘m (102,9 foiz);

Qurilish ishlari — 473,1 mlrd so‘m (152,3 foiz);

Xizmatlar hajmi — 837,6 mlrd so‘m (121,4 foiz)ni tashkil etdi.

Mahallalar infratuzilmasi yaxshilanmoqda

“Yangi O‘zbekiston” qiyofasidagi 2 ta mahallaga 10 mlrd so‘m mablag‘ ajratilib, 21,8 km ichki yo‘lga shag‘al yotqizildi, 5,7 km ichimlik suvi tarmog‘i tortildi, 6,7 km elektr tarmog‘i va 2 ta transformator o‘rnatildi.

“Og‘ir” toifadagi 11 ta mahallaga 93 mlrd so‘m yo‘naltirildi. Natijada 74 km yo‘l asfalt qilindi, 10 km ichimlik suvi tarmog‘i tortildi, 33,5 km elektr tarmog‘i va 14 ta transformator o‘rnatildi.

Bandlik va tadbirkorlik

Tuman hududida 183 ta yangi korxona tashkil etilib, 469 ta ish o‘rni yaratildi. Shuningdek, 661 nafar fuqaroning bandligi ta’minlanib, 462 nafar fuqaroning daromadi oshirildi.

Ta’lim va xotin-qizlarni qo‘llab-quvvatlash

2026-yilning 9 oyida 5 ta oilaviy va 2 ta davlat maktabgacha ta’lim tashkiloti tashkil etilib, bolalarni maktabgacha ta’lim bilan qamrab olish darajasi 80,8 foizga yetkazildi.

IT Parkda 540 nafar xotin-qiz axborot-kommunikatsiya texnologiyalari bo‘yicha o‘qitildi. Ularning 32 nafari frilans, dizayn, mobilografiya va SMM yo‘nalishlarida o‘z faoliyatini yo‘lga qo‘ydi.

Kengash qarori bilan kelgusidagi vazifalar belgilandi

Deputatlar tomonidan tuman hokimi J.Nazarovning amalga oshirilgan ishlar yuzasidan hisoboti qoniqarli deb topildi.

Qarorda iqtisodiy ko‘rsatkichlar ijrosini ta’minlash, mahalliy budjet daromadlarini oshirish, investitsiya va infratuzilma loyihalarini o‘z vaqtida amalga oshirish, yangi ish o‘rinlarini yaratish hamda kambag‘allikni qisqartirish bo‘yicha vazifalar belgilandi.

Shuningdek, Kengashning doimiy komissiyalariga qaror ijrosi ustidan deputatlik nazoratini olib borish va natijalar yuzasidan Kengashga axborot kiritib borish tavsiya etildi.
Maqsad — iqtisodiy barqarorlikni mustahkamlash, aholi farovonligini oshirish va Bog‘ot tumanini izchil rivojlantirish.