Xalq deputatlari tuman Kengashining 2026-yilga mo‘ljallangan ish rejasiga muvofiq Kengash raisi O.Babayev va kotibiyat mudiri J.Sadirov tomonlaridan “Qoronqul” oilaviy shifokorlik punktining tumanning “G‘azalkent” mahallasida joylashgan tibbiy tayanch punktida tibbiy xizmat sifati o‘rganildi.

🔻O‘rganish davomida tibbiy tayanch punktida aholi salomatligini muhofaza qilish, fuqarolarga birlamchi tibbiy yordam ko‘rsatish va kasalliklarning oldini olish yo‘nalishida amalga oshirilayotgan ishlar bilan tanishildi. Ma’lum qilinishicha, tibbiy tayanch punktida hamshira tomonidan aholiga tegishli tibbiy xizmatlar ko‘rsatib kelinmoqda. Fuqarolarga birlamchi tibbiy yordam ko‘rsatish uchun zarur sharoitlar mavjud bo‘lib, aholi salomatligini saqlash va tibbiy ko‘makdan foydalanish imkoniyatlarini ta’minlashga e’tibor qaratilgan.

🔻Shuningdek, mahallada patronaj xizmati yo‘lga qo‘yilgani, aholiga, jumladan, tibbiy ko‘mak va e’tibor talab etadigan fuqarolarga xizmat ko‘rsatib kelinayotgani qayd etildi. Patronaj xizmati yuzasidan mahalla aholisi bilan suhbatlashilganda, fuqarolar ko‘rsatilayotgan xizmatlardan qoniqish bildirgan. O‘rganish jarayonida birlamchi tibbiy yordamning aholiga yaqin hududda tashkil etilishi, patronaj xizmatining samarali yo‘lga qo‘yilishi hamda fuqarolarning tibbiy xizmatlardan o‘z vaqtida foydalanishi muhim ahamiyatga ega ekani ta’kidlandi.

🔻Aholi salomatligini muhofaza qilish, tibbiy xizmatlar sifatini yanada yaxshilash va mahallada birlamchi tibbiy yordam ko‘rsatish faoliyatini doimiy e’tiborda tutish deputatlik nazorati doirasidagi muhim yo‘nalishlardan biri hisoblanadi.