Uchrashuvda tuman hokimining o‘rinbosari va mas’ul xodimlari, tegishli tashkilot vakillari, Sohibkor va Nayman mahalla raislari va yettiligi xodimlari ishtirok etdi. Uchrashuv davomida deputatning o‘tgan chorak mobaynida tumanda hamda o‘zi saylangan okrugi xududida amalga oshirilgan ishlar hamda kelgusida olib boriladigan rejalari yuzasidan axboroti eshitildi.

Shuningdek, uchrashuvda saylovchilarning fikrlari va takliflari eshitilib, fuqarolar tomonidan mahallada bir qator muammolarni bartaraf etish bo‘yicha choralar ko‘rish kerakligi bildirildi.

Uchrashuv davomida Oliy Majlis Senatining 20-yalpi majlisida qabul qilingan “Bolalarni zo‘ravonlikning barcha shakllaridan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonunning mazmun-mohiyati hamda ahamiyati yuzasidan ishtirokchilarga batafsil tushunchalar berildi.

Shuningdek, maktab o‘quvchilari o‘rtasida huquqbuzarliklarning oldini olish, yoshlarning huquqiy savodxonligini oshirish, ularni qonunlarga hurmat ruhida tarbiyalash masalalariga alohida e’tibor qaratildi.

| Web.sayt | Telegram | Facebook | Youtube| Instagram |