Xalq deputatlari Qo‘qon shahar Kengashining 20-“To‘laboy” saylov okrugidan saylangan deputati O‘.Maxmudov tomonidan “To‘laboy” mahalla fuqarolar yig‘inida o‘rganish ishlari olib borildi.

O‘rganish davomida Ijtimoiy reyestrga kiritilgan fuqaro G.Ashurmatova xonadoniga tashrif buyurilib, oilaning yashash sharoiti, mavjud ehtiyojlari hamda ijtimoiy qo‘llab-quvvatlash masalalari bilan tanishildi.

Ma’lum bo‘lishicha, fuqaro istiqomat qilayotgan xonadon ta’mirtalab holatda. Uy-joy sharoitini yaxshilash maqsadida uni ta’mirlash uchun zarur hujjatlarni tayyorlash ishlari olib borilmoqda. Mazkur jarayon oilaning yashash sharoitlarini yaxshilash va mavjud muammolarni hal etishga qaratilgan.

Shuningdek, oila “Saxovat va ko‘mak” jamg‘armasi tomonidan ham qo‘llab-quvvatlangan. Jumladan, vaucher asosida oziq-ovqat hamda kiyim-kechak mahsulotlarini xarid qilish uchun moddiy yordam ko‘rsatilgan.

O‘rganish davomida oilaning mavjud ehtiyojlariga e’tibor qaratilib, uy-joyni ta’mirlash bilan bog‘liq hujjatlarni tayyorlash jarayoni hamda ijtimoiy yordam masalalari bilan tanishildi. Bunday o‘rganishlar ijtimoiy himoyaga muhtoj oilalarning holatini joyida o‘rganish va ularni manzilli qo‘llab-quvvatlashga xizmat qiladi.

Xalq deputatlari Qo‘qon shahar Kengashi