Chilonzor tumanidagi 188-sonli umumta’lim maktabida “Shukronalik” mavzusida ma’naviy-ma’rifiy tadbir tashkil etildi.
Respublika Ma’naviyat va ma’rifat markazi Chilonzor tumani bo‘linmasi hamda “Nuroniy” jamg‘armasi tuman bo‘limi hamkorligida o‘tkazilgan tadbirda maktab o‘quvchi-yoshlari va mahalla faollari ishtirok etdi.
Tadbirda xalq deputatlari Chilonzor tumani Kengashi deputati Mutalov Omonulla Nigmatullayevichning ishtiroki alohida ahamiyat kasb etdi. Tadbir davomida shukronalik tuyg‘usining inson hayotidagi o‘rni, tinchlik va osoyishtalikning qadri, oilaviy totuvlik hamda yoshlarni milliy va umuminsoniy qadriyatlar ruhida tarbiyalash masalalariga e’tibor qaratildi.
Deputatning bunday ma’naviy-ma’rifiy tadbirlarda ishtirok etishi yoshlar bilan muloqotni mustahkamlash, ularning dunyoqarashini kengaytirish va jamiyatda ezgu qadriyatlarni targ‘ib etishga xizmat qiladi.
Zero, shukronalik — bor ne’matlarni qadrlash, tinch hayotning qadriga yetish va kelajakka ishonch bilan intilish demakdir.
Tinchlikni qadrlash, shukronalik bilan yashash — yuksak ma’naviyat belgisidir!