YOSHLAR BANDLIGINI RAG‘BATLANTIRISH BO‘YICHA DEPUTATLIK NAZORATI OLIB BORILADI

🏛 Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 24-iyuldagi 460-son qarori ijrosini o‘rganish yuzasidan qaror qabul qilindi.

📑 Mazkur qaror bilan ish beruvchilarga 25 yoshdan oshmagan xodimlar uchun to‘langan ijtimoiy soliq summasini Davlat budjetidan qoplab berish tartibi ijrosi, yoshlarning rasmiy bandligini rag‘batlantirish choralari hamda ish beruvchilarning ushbu imkoniyatlardan foydalanish holatini o‘rganish belgilandi.
🔎 O‘rganish davomida quyidagi masalalarga e’tibor qaratiladi:
▪️ Yosh xodimlarni ishga qabul qilish va mehnat munosabatlarini qonuniy rasmiylashtirish holati;
▪️ Ijtimoiy soliq kompensatsiyasini olish uchun berilgan arizalar va ularning ko‘rib chiqilishi;
▪️ Arizalarning rad etilishi yoki qanoatlantirilmasligi sabablari;
▪️ Mazkur mexanizmdan foydalanish ko‘lami va uning yoshlar bandligiga ta’siri;
▪️ Aniqlangan muammolarni bartaraf etish bo‘yicha amaliy takliflar.
👍 O‘rganish ishlarini tashkil etish uchun ishchi guruh shakllantiriladi. Tuman soliq inspeksiyasi, bandlik yo‘nalishidagi mas’ul tashkilotlar hamda tegishli idoralar ishchi guruhga zarur ma’lumot va hujjatlarni taqdim etishda ko‘maklashadi.
📊 O‘rganish natijalari doimiy komissiyada tahlil qilinib, masalani Kengash sessiyasi kun tartibiga kiritish bo‘yicha taklif tayyorlanadi.