Xalq deputatlari tuman Kengashi raisi X.Raximov, tuman Kengashi deputati U.Achilov, tuman hokimining o‘rinbosarlari A.Turg‘unov hamda B.Qo‘ziyevlar To‘rttol mahallasida qurilishi rejalashtirilgan Angar uslubidagi tikuvchilik korxonasi loyihasi bilan tanishdilar. Tashrif davomida korxonani barpo etish bo‘yicha amalga oshirilayotgan ishlar, loyihaning bugungi holati va kelgusidagi rejalar yuzasidan ma’lumot berildi. Ayni paytda korxona qurilishi uchun yer maydoni ajratilgan bo‘lib, qurilish ishlarini boshlashga tayyorgarlik ko‘rilmoqda. Mazkur loyihaning amalga oshirilishi mahallada ishlab chiqarishni rivojlantirish, yangi ish o‘rinlarini yaratish hamda aholi bandligini ta’minlashga xizmat qilishi kutilmoqda. Hududlarda tadbirkorlik tashabbuslarini qo‘llab-quvvatlash, yangi ishlab chiqarish quvvatlarini ishga tushirish va aholi farovonligini oshirishga qaratilgan ishlar izchil davom ettirilmoqda.