#sessiya_oldi_o‘rganish

GEOGRAFIK OBYEKTLARGA NOM BERISH VA ULARNI QAYTA NOMLASH MASALASI YUZASIDAN SESSIYAOLDI O‘RGANISH O‘TKAZILDI

Xalq deputatlari Kogon shahar Kengashining navbatdagi sessiyasi kun tartibiga kiritish uchun “Geografik obyektlarga nom berish va ularni qayta nomlash to‘g‘risida”gi masala belgilangan tartibda o‘rganib chiqildi.

Mazkur masala yuzasidan taqdim etilgan hujjatlar va ma’lumotlar asosida sessiyaoldi o‘rganish ishlari olib borildi. Dastlab, masala jamoatchilik muhokamasiga 15 kun muddatga qo‘yilib, bildirilgan fikr-mulohazalar va takliflarni inobatga olish imkoniyati yaratildi.

Shundan so‘ng, masala qonunchilik talablariga muvofiqligi yuzasidan tegishli tartibda ko‘rib chiqilib, Adliya bo‘limidan ijobiy xulosa olindi. Shuningdek, Kengash huzuridagi ekspert guruhi tomonidan ham masala atroflicha o‘rganilib, tegishli tahlillar amalga oshirildi.

O‘rganishlar davomida masalaning qonuniy asoslari, taqdim etilgan hujjatlarning belgilangan talablarga muvofiqligi hamda uni Kengash sessiyasi kun tartibiga kiritish uchun zarur bo‘lgan jihatlar ko‘rib chiqildi.

O‘tkazilgan sessiyaoldi o‘rganishlar natijasida mazkur masalani belgilangan tartibda Kengash sessiyasida ko‘rib chiqish uchun tayyorlash yuzasidan tegishli ishlar amalga oshirildi.

🟦🟦🟦🟦🟦🟦

Telegram . Instagram . Facebook . Youtube . E-kengash