5-BAND IJROSI:Xonchorbog‘ mahallasida ijtimoiy xodim faoliyati o‘rganildi
Xalq deputatlari Pastdarg‘om tumani Kengashi deputati D.Jabborova tomonidan Kengash deputatlari faoliyatining eng muhim yo‘nalishlari bo‘yicha Tavsiyalarning 5-bandi ijrosini ta’minlash maqsadida Xonchorbog‘ mahallasida o‘rganish ishlari olib borildi.
🔎 O‘rganish davomida Xonchorbog‘ MFY ijtimoiy xodimi Yangiboyev Darxonning faoliyati, shuningdek, mahalladagi ijtimoiy himoyaga muhtoj oilalar bilan ishlash holati ko‘zdan kechirildi.
📊 O‘rganish natijalariga ko‘ra, mahalladagi tegishli reyestrda jami 41 nafar fuqaro, shundan 18 ta kambag‘al oila, 20 ta davlat ta’minotidagi oila hamda 2 ta kambag‘allik chegarasidagi oila mavjudligi qayd etildi.
🤝 O‘rganish jarayonida ehtiyojmand oilalarga ijtimoiy xizmatlar ko‘rsatish, ularni mavjud imkoniyatlardan foydalanishga yo‘naltirish, bandligini ta’minlash hamda kambag‘allikdan chiqarish bo‘yicha amalga oshirilayotgan ishlar tahlil qilindi.
📌 Aniqlangan masalalar yuzasidan tegishli tavsiya va topshiriqlar berilib, ishlarning samaradorligini oshirish hamda fuqarolar muammolarini manzilli hal etish bo‘yicha deputatlik nazorati davom ettiriladi.