O‘rganish davomida ijtimoiy xodim tomonidan O‘zbekiston Respublikasi Vazirlar Mahkamasining 2026-yil 29-yanvardagi 35-son qarorida belgilangan vazifalarning ijrosini ta’minlash borasida amalga oshirilayotgan ishlar tahlil qilindi.

Jumladan, mahalladagi ijtimoiy ko‘makka muhtoj fuqarolarni aniqlash, ularning muammolarini o‘rganish, ehtiyojlaridan kelib chiqib tegishli ijtimoiy xizmat va yordamlarni tashkil etish, fuqarolarning qonuniy manfaatlarini himoya qilish borasidagi faoliyatga e’tibor qaratildi.

O‘rganish jarayonida belgilangan vazifalarning ijrosini yanada samarali tashkil etish, aholiga ko‘rsatilayotgan ijtimoiy xizmatlar sifatini oshirish hamda fuqarolar murojaatlari bilan ishlash samaradorligini ta’minlash yuzasidan tegishli tavsiyalar berildi.

Mahallalarda ijtimoiy himoya tizimining samarali ishlashi, ayniqsa, ko‘makka muhtoj aholi bilan manzilli ishlash — fuqarolar farovonligini ta’minlashning muhim omilidir.