#deputatlik_faoliyati_Uchtepa #Doimiy_komissiyalar #ekspert_guruhlari

BANDLIK VA KAMBAG‘ALLIKNI QISQARTIRISH - HISOBOT ESHITILDI

🇺🇿 Xalq deputatlari Uchtepa tumani Kengashining mahalliy byudjet, tadbirkorlikni rivojlantirish va iqtisodiy islohotlarni amalga oshirish masalalari bo‘yicha doimiy komissiyasining navbatdagi yig‘ilishi bo‘lib o‘tdi.

🗣 Yig‘ilishda Uchtepa tumani Kambag‘allikni qisqartirish va bandlikka ko‘maklashish bo‘limi boshlig‘i F.Taxirovning bo‘lim tomonidan amalga oshirilayotgan ishlar yuzasidan hisoboti eshitildi.

📊 Hisobot davomida tumanda aholi bandligini ta’minlash, ishsiz fuqarolarni kasb-hunarga o‘qitish, yangi ish o‘rinlarini yaratish, tadbirkorlik tashabbuslarini qo‘llab-quvvatlash hamda kambag‘allikni qisqartirishga qaratilgan chora-tadbirlar haqida ma’lumot berildi.

📇 Shuningdek, aholining doimiy daromad manbalarini shakllantirish, mehnat bozorida talab yuqori bo‘lgan kasblarga fuqarolarni yo‘naltirish, tadbirkorlik faoliyatini boshlash istagidagi fuqarolarni qo‘llab-quvvatlash hamda bandlik dasturlarining amaliy ijrosi yuzasidan fikr va mulohazalar bildirildi.

📁 Hisobotni muhokama qilish jarayonida mavjud masalalar yuzasidan tegishli savollar berilib, kelgusida amalga oshirilishi lozim bo‘lgan vazifalar yuzasidan takliflar ilgari surildi. Yig‘ilish ishida Doimiy komissiya raisi J.Karimov boshchiligida komissiya a’zolari B.Xalmatov, S.Malikova, U.Begjanov, shuningdek, ekspert guruhi a’zolari ishtirok etdilar.

📝 Muhokamalar yakuni bo‘yicha mazkur masala yuzasidan tegishli qaror qabul qilinib, uni Xalq deputatlari Uchtepa tumani Kengashining navbatdagi sessiyasida ko‘rib chiqish uchun tavsiya etish belgilandi.