#haftalik_ish_reja
#kotibiyat_mudiri
#kotibiyat_xodimi
#24_ta_masala
#19_1_modda

Bandixon tumanida infratuzilma rivoji: "Paxtakor" mahallasida yangi ichimlik suvi tarmog‘i barpo etilmoqda

✅Bandixon tumanida aholi yashash sharoitlarini yaxshilash, hududiy infratuzilma ob’ektlarini modernizatsiya qilish hamda aholini kafolatlangan toza ichimlik suvi bilan ta’minlash bo‘yicha deputatlik nazorati ostida keng ko‘lamli ishlar olib borilmoqda.

✅Xalq deputatlari Bandixon tuman Kengashi kotibiyati mudiri A. Pardayev , "Surxondaryo suv ta’minoti" AJ Bandixon tuman bo‘limi boshlig‘i A.Choriyev hamda kotibiyat bosh mutaxassisi B.Qurbonovlar birgalikda "Paxtakor" MFYning Bog‘ ko‘chasida bo‘lib, ichimlik suvi tarmog‘ini qurish ishlarini joyida o‘rgandilar.

✅Hozirgi kunda ushbu ko‘chada D-76 mm diametrli, umumiy uzunligi 1 200 metr bo‘lgan yangi ichimlik suvi quvurlarini yotqizish ishlari jadal olib borilmoqda. Ushbu loyihaning ishga tushirilishi evaziga hududdagi 50 ta xonadonda istiqomat qiluvchi 204 nafar fuqaroning ichimlik suvi ta’minoti tubdan yaxshilanadi.

✅O‘rganish yakunida qurilish ishlarini sifatli yakunlash va tarmoqni tez fursatda aholi foydalanishiga topshirish bo‘yicha mas’ullarga tegishli vazifalar belgilandi.