Xalq deputatlari Qo‘qon shahar Kengashi deputati J.Xusanov tomonidan o‘z saylov okrugi tarkibiga kiruvchi “Qaymoqli guzar” mahalla fuqarolar yig‘inida mahalla raisi M.Irmanovning faoliyati yuzasidan o‘rganish ishlari olib borildi.

O‘rganish davomida mahallada aholi bilan ishlash, fuqarolarning murojaatlarini o‘rganish, hududdagi mavjud muammolarni aniqlash va ularni bartaraf etish borasida amalga oshirilayotgan ishlar muhokama qilindi. Shuningdek, mahalla hududida fuqarolarni qiynab kelayotgan ijtimoiy, infratuzilmaviy va boshqa masalalarga e’tibor qaratildi.

Jumladan, “Mahalla yettiligi” a’zolarining aholi bilan ishlash holati ham atroflicha ko‘rib chiqildi. Aholining muammolarini xonadonbay o‘rganish, ehtiyojmand oilalarni aniqlash, fuqarolarning bandligini ta’minlash, yoshlar va xotin-qizlar bilan ishlash, tadbirkorlik tashabbuslarini qo‘llab-quvvatlash hamda ijtimoiy ko‘makka muhtoj fuqarolarga amaliy yordam ko‘rsatish masalalari yuzasidan fikr almashildi.

Shuningdek, mahalla raisi va “Mahalla yettiligi” a’zolarining o‘zaro hamkorligi, fuqarolar murojaatlarini tegishli mutasaddilarga yetkazish, ko‘tarilgan masalalarning ijrosini kuzatib borish hamda aholi bilan muntazam muloqot olib borish holatiga alohida e’tibor qaratildi.

O‘rganish jarayonida mahalladagi mavjud muammolar va ularni hal etish bo‘yicha amalga oshirilayotgan ishlar tahlil qilinib, aniqlangan masalalar yuzasidan mas’ullar bilan fikr almashildi. Aholi murojaatlarini o‘z vaqtida ko‘rib chiqish, muammolarga amaliy yechim topish va mahallada yashovchi fuqarolar uchun qulay sharoitlarni yaxshilash bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi