Xalq deputatlari Paxtakor tumani Kengashi deputati A.Isaqulov hamda mahalla yettiligi vakillari bilan birgalikda Samarqand mahallasida hududning obodonlashtirish va sanitariya holatini o‘rgandi.

O‘rganish davomida mahalla ko‘chalari, aholi xonadonlari atrofi hamda umumiy foydalanish hududlaridagi tozalik va ozodalikka alohida e’tibor qaratildi. Aniqlangan holatlar yuzasidan mas’ullar bilan tegishli ishlar olib borildi.

Shuningdek, aholi xonadonlarini toza va ozoda saqlash, uy atroflarini tartibga keltirish, chiqindilarni belgilangan tartibda chiqarish hamda obodonlashtirish ishlariga doimiy e’tibor qaratish bo‘yicha fuqarolarga tavsiyalar berildi.

Mahalla hududida tozalik va obodonlashtirish ishlarini muntazam davom ettirish, mavjud kamchiliklarni o‘z vaqtida bartaraf etish hamda aholi uchun qulay va ozoda muhit yaratish masalalari nazoratga olindi.