Boshrabot mahallasida qurilayotgan piyodalar yo‘lakchasi qurilishi ko‘zdan kechirildi

✅ Bugun xalq deputatlari tuman Kengashi kotibiyati bosh mutaxasisisi Z.O‘zbekovaga biriktirilgan 13-Rabot saylov okrugida Xalq deputatlari viloyat kengashi kotibiyati mudiri Sh.M.Boyqulov, xalq deputatlari tuman Kengashi raisi B.K.Xaitov, tuman Kengashi kotibiyati mudiri O‘.Murodov va xodimlari, shuningdek tuman Kengashi deputatlari bilan hamkorlikda Boshrabot mahallasida Xalq deputatlari tuman kengashining 2026-yil 3-martdagi “Boysun tumanida 2026-yil davomida “Og‘ir tuman” dasturi doirasida amalga oshiriladigan loyihalar uchun zarur infratuzilmaviy shart-sharoitlar yaratish hamda tumandagi“Yangi O‘zbekiston qiyofasidagi” va “og‘ir” toifadagi mahallalarning ixtisoslashuvini chuqurlashtirishga qaratilgan manzilli dasturlarni tasdiqlash to‘g‘risida”gi VII-20-18-8-110-K/26-sonli qarori ijrosi doirasida Boshrabot mahallasida qurilayotgan piyodalar yo‘lakchasi qurilish ishlari joyiga chiqib ko‘zdan kechirildi.

✅ O‘rganish davomida qurilish ishlarining borishi, yo‘lakcha uchun asos tayyorlash, betonlashtirish ishlari, qurilish materiallarining sifati hamda belgilangan loyiha va me’yoriy talablarga rioya etilishi atroflicha ko‘rib chiqildi. Shuningdek, mas’ul tashkilotlar vakillariga ishlarni sifatli tashkil etish, belgilangan muddatlarda yakunlash hamda piyodalar xavfsizligini ta’minlash bo‘yicha tegishli tavsiyalar berildi.

✅ Mazkur loyiha yakunlangach, Boshrabod mahallasi aholisining piyodalar harakati uchun qulay va xavfsiz sharoit yaratiladi, ichki infratuzilma yanada yaxshilanib, hududning obodligi va aholining turmush sifati oshishiga xizmat qiladi.