Xalq deputatlari Olmaliq shahar Kengashining 2026-yilga mo‘ljallangan ish rejasiga muvofiq, navbatdagi sessiyada shaharda “Ta’lim to‘g‘risida”gi Qonun ijrosi hamda maktab va maktabgacha ta’lim tashkilotlarining faoliyati bo‘yicha hisoboti eshitilishi rejalashtirilgan.
Shu munosabat bilan, Kengash kotibiyati mudiri Sevar Qodirova, hudud deputati Faxriddin Matasimov hamda bosh mutaxassis Muhriddin Begmatov tomonidan "Zarbuloq" mahalla hududida joylashgan 10-sonli umumta’lim maktabida yangi o‘quv yiliga hamda kuz-qish mavsumiga tayyorgarlik holati o‘rganildi.

Jarayonda:
Sinfxonalarning moddiy-texnik bazasi va jihozlanish darajasi;
Ta’lim jarayonini samarali tashkil etish uchun yaratilgan shart-sharoitlar;
Alohida ta’lim ehtiyojlari bo‘lgan o‘quvchilar uchun to‘siqsiz va qulay muhit yaratilganligi.

🤝 Monitoring natijalari hamda aniqlangan kamchiliklar tegishli chora-tadbirlar belgilash uchun Kengashning doimiy komissiyasiga muhokamaga kiritildi. Ushbu masala shahar Maktabgacha va maktab ta’limi bo‘limining hisoboti bilan birga Kengashning navbatdagi sessiyasi kun tartibiga kiritilishi ko‘zda tutilgan.