CHORTUT MAHALLASI AHOLISI MUROJAATI ASOSIDA DEPUTATLIK SO‘ROVI YUBORILDI

Xalq deputatlari Pastdarg‘om tumani Kengashi deputati G. Bozorova tomonidan Chortut mahallasida olib borilgan o‘rganishlar davomida fuqarolar bilan uchrashuv o‘tkazilib, ularning murojaatlari joyida ko‘rib chiqildi.

⚡️ Murojaatda Dovul ko‘chasida joylashgan 9 ta elektr ustunini ko‘cha chetiga ko‘chirish masalasi ko‘tarildi.

Fuqarolarning ta’kidlashicha, elektr ustunlarining amaldagi joylashuvi transport vositalari va piyodalar harakatiga noqulaylik tug‘dirib, xavfsizlik bilan bog‘liq muammolarni yuzaga keltirmoqda.

🔎 Deputat tomonidan murojaat joyiga chiqib o‘rganilib, elektr ustunlarini belgilangan me’yor asosida ko‘chirish qayd etildi.

📨 O‘rganishga ko‘ra, Dovul ko‘chasidagi 9 ta elektr ustunini ko‘cha chetiga ko‘chirish masalasini belgilangan tartibda ko‘rib chiqish va amaliy choralar ko‘rish maqsadida tegishli elektr ta’minoti tashkilotiga deputatlik so‘rovi yuborildi.