QARORLAR IJROSI JOYLARGA CHIQIB O‘RGANILMOQDA

O‘zbekiston Respublikasining “Mahalliy davlat hokimiyati to‘g‘risida”gi Qonuni 19¹-moddasi 5-bandida belgilangan vakolatlarga muvofiq, xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan qonun hujjatlari, Kengash qarorlarining davlat organlari tomonidan ijro etilishi holatini joylarga chiqqan holda o‘rganish ishlari olib borilmoqda.

Shu munosabat bilan doimiy komissiya a’zolari tomonidan O‘zbekiston Respublikasi Vazirlar Mahkamasining 2021-yil 17-sentabrdagi 578-sonli “O‘zini o‘zi band qilgan shaxs sifatida hamshiralik ishi faoliyatini tartibga solish chora-tadbirlari to‘g‘risida”gi qarori ijrosi yuzasidan o‘rganish amalga oshirildi.

O‘rganish davomida o‘zini o‘zi band qilgan shaxs sifatida hamshiralik faoliyatini yuritayotgan fuqarolar uchun yaratilgan shart-sharoitlar, belgilangan tartibga rioya etilishi tibbiy xizmatlar sifati tahlil qilindi.