O‘rganish davomida O‘zbekiston Respublikasi Prezidentining joriy yil 5-fevraldagi tegishli qarori ijrosini ta’minlash doirasida Bog‘dod ko‘chasining 0,6 kilometr qismida amalga oshiriladigan bunyodkorlik ishlari, muhandislik-kommunikatsiya infratuzilmasini takomillashtirish hamda hududning investitsiyaviy va tadbirkorlik salohiyatini oshirish masalalari muhokama qilindi.

Loyiha doirasida 12 ta yangi tadbirkorlik subyekti tashkil etish, mavjud tadbirkorlik subyektlari faoliyatini kengaytirish hamda 70 ta yangi ish o‘rni yaratish rejalashtirilgani qayd etildi.

Hududni ko‘zdan kechirish jarayonida deputat tomonidan loyiha ishlarini sifatli va belgilangan muddatlarda amalga oshirish, muhandislik-kommunikatsiya infratuzilmasini yaxshilash, ko‘chaning zamonaviy qiyofasini shakllantirish hamda aholi va tadbirkorlar uchun qulay shart-sharoitlar yaratish yuzasidan mas'ullarga tegishli tavsiyalar berildi.

Hududni kompleks rivojlantirish, yangi ish o‘rinlarini yaratish va zamonaviy shahar infratuzilmasini shakllantirishga qaratilgan ishlar deputat nazoratida davom ettirilmoqda.

️ Xalq deputatlari Samarqand shahar Kengashi