KUTUBXONA FAOLIYATI VA ADABIYOTLAR TA’MINOTI O‘RGANILDI

Xalq deputatlari Ko‘kdala tuman Kengashi kotibiyat mudiri, 19-Xushali saylov okrugi deputati F.Bektemirov, kotibiyat bosh mutaxassisi O‘.Boymurodov hamda tuman Kengashi huzuridagi Ekspert guruhi a’zolari hamkorligida tuman markaziy kutubxonasida o‘rganish ishlari olib borildi.

O‘rganish davomida kutubxonaning ish faoliyati, kitob fondining holati, kitobxonlar uchun yaratilgan shart-sharoitlar hamda ta’lim oluvchilarni zarur adabiyotlar bilan ta’minlash darajasi atroflicha tahlil qilindi.

Shuningdek, yoshlarning kitobxonlik madaniyatini yuksaltirish, zamonaviy va ilmiy adabiyotlar fondini boyitish, elektron resurslardan foydalanish imkoniyatlarini kengaytirish masalalariga alohida e’tibor qaratildi.

Mutasaddilar tomonidan mavjud holat yuzasidan tegishli tavsiyalar berilib, kutubxona faoliyati samaradorligini yanada oshirish hamda ta’lim oluvchilarning bilim olish jarayonini qo‘llab-quvvatlash bo‘yicha takliflar ishlab chiqildi.

Kitob — ma’naviyat va taraqqiyot manbai. Yoshlarning kitobga bo‘lgan qiziqishini oshirish, ularning bilim va dunyoqarashini kengaytirishga xizmat qiluvchi muhitni yaratish barchamizning ustuvor vazifamizdir.