Xalq deputatlari Andijon shahar Kengashi deputati Usmonjon Shokirov o‘z saylov okrugidagi "Madaniyat" MFYda bo‘ldi.

Tashrif davomida mahalla aholisi bilan uchrashilib, hududda obodonlashtirish ishlarini tizimli tashkil etish, ko‘chalar ozodaligini ta'minlash va yashil hududlarni kengaytirish masalalari muhokama qilindi. Mahallada obodonlashtirish ishlari boshlab yuborildi.

Shuningdek, deputat tashabbusi bilan hududni yanada ko‘rkamlashtirish maqsadida turli xil manzarali gul ko‘chatlari mahallaga taqdim etildi.

Shu bilan birga, 2026-yil 16-iyul kuni O‘zbekiston Respublikasi Prezidenti raisligida o‘tkazilgan videoselektor yig‘ilishida mahallalarga yangi muhit olib kirish hamda "mahalla yettiligi" faoliyatini yangicha tashkil etish bo‘yicha belgilangan ustuvor vazifalar yuzasidan fuqarolarga tushuntirishlar berildi.