Xalq deputatlari Qo‘qon shahar Kengashi deputati Yu.To‘ychiyev tomonidan fuqarolar murojaatlarini o‘z vaqtida ko‘rib chiqish hamda hududdagi dolzarb masalalarni hal etishga ko‘maklashish maqsadida navbatdagi deputatlik so‘rovi yuborildi.

Deputatning "Chorchinor" mahalla fuqarolar yig‘inida o‘tkazgan saylovchilar bilan uchrashuvlari va joyiga chiqib olib borgan o‘rganishlari davomida Jumhuriyat ko‘chasi 5-uyini ta’mirlash masalasida fuqarolar tomonidan murojaat bildirildi.

Mazkur murojaat yuzasidan O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni talablariga muvofiq, Qo‘qon shahar "Inson" ijtimoiy xizmatlar markazi boshlig‘i J.Mirzayev nomiga deputatlik so‘rovi yuborildi.

Deputatlik so‘rovida Jumhuriyat ko‘chasi 5-uydagi mavjud holatni joyiga chiqib o‘rganish, ta’mirlash ishlarini amalga oshirish imkoniyatlarini ko‘rib chiqish hamda ushbu masala yuzasidan ko‘riladigan chora-tadbirlar va ularning amalga oshirish muddatlari haqida asoslantirilgan yozma ma’lumot taqdim etish so‘ralgan.

Mazkur masala deputat nazoratiga olingan bo‘lib, uning ijrosi yuzasidan amalga oshirilayotgan ishlar va natijalar haqida jamoatchilikka qo‘shimcha ma’lumotlar berib boriladi.

Xalq deputatlari Qo‘qon shahar Kengashi