Xalq deputatlari Olmaliq shahar Kengashining doimiy komissiya a’zolari va mutaxassislar ishtirokida shahar markaziy shifoxonasida nazorat tadbiri o‘tkazildi.
Nogironligi mavjud shaxslarga davlat tomonidan berilgan imtiyozlarning to‘g‘ri qo‘llanilishi va ko‘rsatilayotgan tibbiy xizmat sifati bilan yaqindan tanishish.
Ishchi guruh tarkibi:
Azamat Mavlonov – Ijtimoiy soha, yoshlar siyosati, xotin-qizlar,madaniyat va sport masalalari bo'yicha doimiy komissiya raisi;
Sayfiddin Subanov – Komissiya a’zosi, deputat va nevropatolog-shifokor;
Oybek Qurolboyev – 23-okrug deputati;
Sevar Qodirova – Kotibiyat mudiri;
Muhriddin Begmatov – Bosh mutaxassis.
O‘rganish davomida shifoxonada faoliyat yuritayotgan deputat va shifokor Sayfiddin Subanov tizimdagi so‘nggi o‘zgarishlar hamda bemorlar uchun yaratilgan sharoitlar haqida batafsil ma’lumot berdi.

Jarayonda:
💊Dorilar zahirasi: Davlat tomonidan ajratilgan bepul dori-darmonlarning mavjudligi va taqsimlanishi.
🛌Sharoitlar: Bemorlarning statsionar (shifoxonada yotib davolanish) sharoitlari.
👩‍⚕️Xizmat sifati: Tibbiyot xodimlari tomonidan ko‘rsatilayotgan muomala madaniyati va tibbiy yordam darajasi.

✅Natija:
O‘rganish yakunlari bo‘yicha to‘plangan ma’lumotlar Xalq deputatlari Olmaliq shahar Kengashining Ijtimoiy soha, yoshlar siyosati, xotin-qizlar,madaniyat va sport masalalari bo'yicha doimiy komissiyasiga muhokama uchun taqdim etildi. Mazkur masala komissiya tomonidan nazoratga olingan.

✅Maqsadimiz — har bir fuqaro, ayniqsa alohida ehtiyojga ega shaxslar davlat tomonidan berilgan imtiyozlardan to‘laqonli va sifatli foydalanishini ta’minlashdir.