Xalq deputatlari Tuproqqal’a tuman Kengashi deputati, "Saidlar" saylov okrugidan saylangan deputat N. Qurbonova tomonidan o‘z saylov okrugidagi Saidlar mahallasi hokim yordamchisining xizmat faoliyati samaradorligi hamda yuklatilgan vazifalarning ijro etilish holati o‘rganildi.

📋 O‘rganish davomida mahallada aholi bandligini ta'minlash, tadbirkorlikni qo‘llab-quvvatlash, oilaviy tadbirkorlikni rivojlantirish, yangi ish o‘rinlarini yaratish, fuqarolarning daromadlarini oshirish hamda ijtimoiy himoyaga muhtoj oilalar bilan olib borilayotgan ishlar tahlil qilindi.

🤝 Shuningdek, hokim yordamchisi tomonidan fuqarolar murojaatlari bilan ishlash, aholi muammolarini o‘z vaqtida aniqlash va ularni bartaraf etish, mutasaddi tashkilotlar bilan hamkorlikni yo‘lga qo‘yish borasida amalga oshirilayotgan ishlar yuzasidan fikr almashildi.

📝 O‘rganish yakunida faoliyat samaradorligini yanada oshirish, belgilangan vazifalarning o‘z vaqtida va sifatli ijrosini ta'minlash hamda aholi bandligi va tadbirkorligini rivojlantirishga qaratilgan ishlarni izchil davom ettirish yuzasidan tegishli tavsiya va takliflar bildirildi.