📌 Navbatdagi 24-sessiya masalalari yuzasidan o‘rganish ishlari olib borildi

Xalq deputatlari Sherobod tumani Kengashining 1-Yangiturmush saylov okrugi deputati S. Eshonqulov hamda Kengash kotibiyati bosh mutaxassisi Sh. Xo‘janazarov tomonidan Xalq deputatlari Sherobod tumani Kengashining navbatdagi 24-sessiyasi kun tartibiga kiritilgan masala yuzasidan o‘rganish ishlari olib borildi.

🔍 Jumladan, "Guliston" mahallasida Mahallaning ijtimoiy-iqtisodiy muammolarini hal etish jamg‘armasi daromadlari va xarajatlarining 2026-yil I choragidagi ijrosi joyiga chiqib o‘rganildi.

📊 O‘rganish davomida jamg‘arma mablag‘larining maqsadli va samarali sarflanishi, hudud infratuzilmasini yaxshilash bo‘yicha amalga oshirilgan ishlar, aholi murojaatlari asosida bajarilgan tadbirlar hamda mahalladagi dolzarb muammolarni bartaraf etish yuzasidan ko‘rilgan chora-tadbirlar tahlil qilindi.

🤝 Shuningdek, o‘rganish yakunlari bo‘yicha mas’ul mutasaddilar bilan fikr almashilib, aniqlangan kamchiliklarni bartaraf etish hamda jamg‘arma mablag‘laridan yanada samarali va maqsadli foydalanishni ta’minlash yuzasidan tegishli tavsiya va takliflar bildirildi.

✅ Bunday o‘rganishlar hududlarni kompleks rivojlantirish, mahallalarda amalga oshirilayotgan ishlar samaradorligini oshirish, byudjet mablag‘laridan oqilona foydalanishni ta’minlash hamda aholi manfaatlarini himoya qilishga xizmat qiladi.