Xalq deputatlari Qo‘qon shahar Kengashi deputati Sh.Dexkanov tomonidan "G‘ishtli masjid" mahalla fuqarolar yig‘inida O‘zbekiston Respublikasining 2012-yil 26-apreldagi O‘RQ-327-sonli "Oilaviy tadbirkorlik to‘g‘risida"gi hamda 2012-yil 2-maydagi O‘RQ-328-sonli "Tadbirkorlik faoliyati erkinligining kafolatlari to‘g‘risida"gi Qonunlari ijrosi yuzasidan olib borilayotgan ishlar o‘rganildi.

O‘rganish jarayonida mahalla hokim yordamchisi D.Nosirov ishtirokida hududda faoliyat yuritayotgan yakka tartibdagi tadbirkorlar J.Xasanova hamda A.Rustamovning faoliyati joyiga chiqib o‘rganildi.

Tadbirkorlarning faoliyat yuritishi uchun yaratilgan sharoitlar, ishlab chiqarish va xizmat ko‘rsatish jarayonlari, mavjud muammolar hamda faoliyatni yanada kengaytirish imkoniyatlari yuzasidan atroflicha suhbat o‘tkazildi.

Shuningdek, tadbirkorlarga amaldagi qonunchilik talablari, davlat tomonidan yaratilgan imtiyoz va preferensiyalar, oilaviy tadbirkorlikni rivojlantirish dasturlari hamda biznesni yanada kengaytirish masalalari yuzasidan huquqiy maslahatlar berildi.

Uchrashuv davomida fuqarolarning imtiyozli kreditlar va boshqa davlat ko‘maklaridan foydalanish imkoniyatlari, tadbirkorlik faoliyatini qo‘llab-quvvatlash mexanizmlari, murojaatlarni ko‘rib chiqish tartibi hamda mahallada yangi ish o‘rinlarini yaratish bo‘yicha fikr almashildi.

Xalq deputatlari Qo‘qon shahar Kengashi