ЁШЛАРНИ СПОРТГА ЖАЛБ ЭТИШ БЎЙИЧА АМАЛГА ОШИРИЛАЁТГАН ИШЛАР ЎРГАНИЛДИ
Халқ депутатлари Янгиқўрғон тумани Кенгаши раиси Мамажонов Равшан Раҳмонжонович томонидан 16-Бешбулок сайлов округи ҳудудида жойлашган маҳаллада янги ташкил этилган “Зафар ММА” спорт мажмуаси фаолияти ўрганилди.

Ўрганиш давомида спорт мажмуасида болалар ва ўсмирларни спортга кенг жалб этиш, уларнинг бўш вақтини мазмунли ташкил этиш ҳамда соғлом турмуш тарзини шакллантириш борасида олиб борилаётган ишлар билан танишилди.

Ҳозирги кунда мазкур спорт мажмуасида 5 ёшдан 14 ёшгача бўлган 300 нафардан ортиқ болалар мунтазам спорт машғулотларига жалб этилган.
Кенгаш раиси спорт мажмуасида яратилган шароитлар, машғулотлар жараёни ҳамда ёшлар қамрови билан яқиндан танишиб, келгусида маҳаллада спортни янада оммалаштириш, иқтидорли ёшларни қўллаб-қувватлаш юзасидан таклиф ва тавсиялар берди.