Qayta tiklanuvchi energiya manbalaridan foydalanish bo‘yicha qonun ijrosi o‘rganildi

Xalq deputatlari Qiziriq tumani Kengashi kotibiyati bosh mutaxassisi J.Donayev o‘ziga biriktirilgan deputat A.Xolmo‘minovga biriktirilgan “Qayta tiklanuvchi energiya manbalaridan foydalanish to‘g‘risida”gi O‘zbekiston Respublikasi Qonuni (O‘RQ–539-son, 2019-yil 21-may) ijrosi yuzasidan tuman Elektr tarmoqlari korxonasida o‘rganish olib bordi.

O‘rganish davomida tumanda qayta tiklanuvchi energiya manbalaridan foydalanish, xususan quyosh panellari va boshqa energiya tejamkor texnologiyalarni joriy etish bo‘yicha amalga oshirilayotgan ishlar, mavjud ko‘rsatkichlar hamda istiqboldagi rejalar yuzasidan mas’ullarning axboroti tinglandi.

Shuningdek, qonunning mazmun-mohiyati, unda belgilangan asosiy vazifalar va qayta tiklanuvchi energiya manbalaridan foydalanishning afzalliklari yuzasidan korxona xodimlari o‘rtasida targ‘ibot-tushuntirish ishlari olib borildi.

O‘rganish yakunida qonun ijrosini yanada samarali tashkil etish, energiya resurslaridan oqilona foydalanish hamda energiya samaradorligini oshirish bo‘yicha tegishli tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram