Sessiya kun tartibiga kiritilgan masala deputat okrugida o'rganildi.

Xalq deputatlari Samarqand viloyat Kengashi deputatlari Q. Yarashev, Z. Jabborova hamda Bolalar ombudsmanining viloyat mintaqaviy vakili X. Raxmonov Toyloq tumanida bola huquqlarini ta'minlash borasidagi qonun hujjatlari ijrosini ta'minlash yuzasidan amalga oshirilayotgan ishlar holatini oʻrganishdilar.

​✍️Ishchi guruh aʼzolari bola huquqlarini taʼminlash borasidagi ahvolni tahlil qilish maqsadida tumandagi ikkita muhim muassasada boʻlishdi:

🔘​Tuman sogʻliqni saqlash boʻlimida: Voyaga yetmaganlar oʻrtasida tibbiy koʻrik, nazorat va sogʻlomlashtirish ishlari, shuningdek, bolalar sogʻligʻini muhofaza qilish tizimining holati;

​🔘Tuman ichki ishlar boʻlimida: Voyaga yetmaganlar oʻrtasida huquqbuzarliklarning oldini olish, ijtimoiy-huquqiy yordamga muhtoj oilalar farzandlari bilan ishlash hamda masʼul idoralararo hamkorlik darajasi koʻrib chiqildi.

✅​Oʻrganish davomida sohadagi yutuqlar bilan birga, ichki ishlar bo‘limi va sogʻliqni saqlash tizimi oʻrtasida manzilli maʼlumot almashinuvini kuchaytirish hamda xavf guruhidagi voyaga yetmaganlarning aniq hisob-kitobini yuritish boʻyicha mavjud muammolar tahlil qilindi.

📌​Yakunda sohada olib borilayotgan ishlar a'lohida e'tirof etilib, aniqlangan kamchiliklarni bartaraf etish yuzasidan masʼullarga tegishli tavsiyalar berildi va ijrosi deputatlik nazoratiga olindi.