Deputat R. Shamanov Qoʻngʻirot mahallasida oʻzini o‘zi band qilgan fuqarolar faoliyati bilan tanishdi.

Xalq deputatlari Termiz tuman Kengashi deputati R. Shamanov Qoʻngʻirot mahallasida boʻlib, oʻzini o‘zi band qilgan fuqarolar faoliyati bilan yaqindan tanishdi.

Tashrif davomida fuqarolarning mehnat faoliyati, tadbirkorlik tashabbuslari hamda daromad manbalarini kengaytirish borasida amalga oshirilayotgan ishlar o‘rganildi.

Deputat ular bilan muloqot qilib, faoliyatni yanada rivojlantirish, mavjud muammolarni bartaraf etish va yangi imkoniyatlardan samarali foydalanish masalalari yuzasidan fikr almashdi.

Shuningdek, fuqarolar tomonidan bildirilgan taklif va murojaatlar tinglanib, ularni hal etish bo‘yicha tegishli tavsiyalar berildi. Bunday uchrashuvlar aholi bandligini ta’minlash, oilalar farovonligini oshirish hamda mahallalarda tadbirkorlik faoliyatini qo‘llab-quvvatlashga xizmat qiladi.