#tavsiyalar_asosida

Xalq deputatlari Kogon shahar Kengashi deputati Sh. Isamutdinov, mutaxassislar I. Ikromov va Z. Temirovalar bilan birgalikda Istiqlol MFYda faoliyat yuritayotgan xotin-qizlar faoli faoliyati bilan tanishdi.

O‘rganish davomida mahallada xotin-qizlarning bandligini ta’minlash, ularni kasb-hunarga o‘qitish, tadbirkorlikka jalb etish hamda ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar muhokama qilindi.

Shuningdek, xotin-qizlar uchun yaratilayotgan davlat imtiyozlari, jumladan, imtiyozli kreditlar, subsidiya va grantlar, kasb-hunar kurslarida bepul ta’lim olish imkoniyatlari hamda tadbirkorlik faoliyatini boshlash uchun ajratilayotgan ko‘maklar yuzasidan tushuntirish ishlari olib borilayotgani alohida ta’kidlandi. Suhbat chog‘ida ushbu imkoniyatlardan samarali foydalanish orqali ayollarning daromadini oshirish va iqtisodiy faolligini kuchaytirish masalalari muhokama etildi.

Yakunda xotin-qizlar bilan ishlash samaradorligini oshirish, davlat tomonidan yaratilayotgan imkoniyatlarni keng targ‘ib qilish hamda har bir murojaat egasi bilan manzilli ishlash bo‘yicha tavsiyalar berildi. Mahallada bu yo‘nalishdagi ishlarni yanada faollashtirish muhim vazifa sifatida qayd etildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash