#24_ta_masala
#Kotibiyat_mudiri_faoliyati

Xalq deputatlari Payariq tumani Kengashi kotibiyati mudiri J.Axunovning kunlik ish rejasiga asosan Farovon mahallasida hokim yordamchisi faoliyati o‘rganildi.

O‘rganish davomida aholi bandligini ta’minlash va tadbirkorlikni rivojlantirish bo‘yicha amalga oshirilayotgan ishlar tahlil qilindi.

Xususan, yil boshidan buyon 32 nafar fuqaroga 648,96 mln so‘m kredit ajratilib, 11 ta yangi tadbirkorlik subyekti tashkil etilishiga amaliy yordam ko‘rsatilgan.

Shuningdek, ijara yerlarida 7,23 gektar maydonda ekinlar ekilib, aholi tomorqalarida serdaromad ekinlar yetishtirishni kengaytirish maqsadida 4 ta artezian qudug‘i qazilgan.

Mahallada xizmat ko‘rsatish, sanoat va qishloq xo‘jaligi yo‘nalishlarida mikroloyihalar ishga tushirilgan.

Bundan tashqari, ijtimoiy reyestrdagi 46 ta oila bilan ishlash holati o‘rganilib, ularning daromadini oshirishga qaratilgan individual dasturlar ishlab chiqilgani ma’lum qilindi.

O‘rganish yakunida mavjud imkoniyatlardan samarali foydalanish hamda tadbirkorlik va bandlik ko‘rsatkichlarini yanada oshirish yuzasidan tavsiyalar berildi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|