DEPUTATLIK SO‘ROVIGA JAVOB

Xalq deputatlari Termiz tuman Kengashining VII-17-58-8-117-K/26-sonli qarorining 1-ilovasining 8-bandiga asosan, Termiz tumani Gulbahor MFYdagi Qo‘rg‘ontepa ko‘chasi ichki yo‘llarini 2746 metr uzunlikda asfaltlashtirish tadbiri uchun 1 mlrd 647,6 mln so‘m mablag‘ tasdiqlangan.

Mazkur loyiha bo‘yicha loyiha-smeta hujjatlari ishlab chiqilib, 2026-yil 13-may kuni buyurtmachi — Surxondaryo Mintaqaviy Yo‘llarga Buyurtmachi Xizmati UK hamda pudratchi “General Electronic” MCHJ o‘rtasida №247779-sonli shartnoma imzolangan.

Shartnomaning 12-bandiga muvofiq, tanlov savdolari natijasiga ko‘ra qurilish ishlarini bajarish muddati ishlar boshlangan kundan e’tiboran 45 kun etib belgilangan hamda ishlarni boshlash sanasi birinchi avans mablag‘i o‘tkazilgan kundan hisoblanishi qayd etilgan.

Hozirgi kunda Qo‘rg‘ontepa ko‘chasida asfaltlashtirish ishlari to‘liq yakunlanganligini ma’lum qilamiz.