Халқ депутатлари Пахтаобод тумани Кенгашининг Коррупцияга қарши курашиш ва хавфсизлик масалалари бўйича доимий комиссияси раиси Х.Сотиболдиев, аъзолари Ш.Умаров, Ф.Ахмадалиева ҳамда туман адлия бўлими мутахассиси томонидан “Инсон” ижтимоий марказида коррупсиявий омилларни аниқлаш масаласида ўрганиш олиб борилди. Жараёнда марказда кўрсатилаётган хизматларнинг қонунийлиги ва шаффофлиги кўздан кечирилди.

Ўрганиш давомида ижтимоий ёрдамлар тайинланишида адолат мезонларига амал қилиш, инсон омилини камайтириш ва коррупцияга йўл қўймаслик чораларига эътибор қаратилди. Марказ ходимларига соҳада қонун устуворлигини таъминлаш ва хавф-хатарларнинг олдини олиш бўйича зарур тавсиялар берилди.