КОТИБИЯТ ФАОЛИЯТИ ЎРГАНИЛДИ


Олий Мажлис Сенати Кенгашининг 2025 йил 28 январдаги "Халқ депутатлари маҳаллий Кенгашлари фаолиятини намунали ташкил этиш тўғрисида"ги
КҚ-51-V-сонли қарори ижроси юзасидан Янги Наманган тумани котибиятида ўрганиш ишлари амалга оширилди.


Ўрганишни Халқ депутатлари Наманган вилоят Кенгашининг котибият мудири Т.Гаппаров бошчилигида олиб борди. Ўрганиш жараёнида Кенгаш котибияти ишини намунали ташкил этиш орқали депутатлар фаолиятини самарали қўллаб-қувватлаш ва аҳоли билан ишлаш сифатини ошириш муҳимлиги алоҳида таъкидланди.

🔍
Таҳлил давомида котибиятда ҳужжатлар билан ишлаш тизими, иш юритиш тартиби, ҳужжатларнинг тўғри ва ўз вақтида расмийлаштирилиши, уларнинг ижросини
таъминлаш ҳолати атрофлича кўриб чиқилди.

Шунингдек, котибият фаолиятини янада самарали ташкил этиш, иш жараёнларини тизимлаштириш ва замонавий талаблар асосида такомиллаштириш масалаларига алоҳида эътибор қаратилди.

📝
Якунда Кенгаш раисига фаолият самарадорлигини янада ошириш юзасидан тегишли кўрсатма ва топшириқлар берилди.