Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq tumanning “Chimboyliq” mahallasida joylashgan 13-sonli umumta’lim maktabida yoshlarni sportga keng jalb etish, ularning jismoniy tarbiya bilan muntazam shug‘ullanishi uchun yaratilgan shart-sharoitlar xalq deputatlari tuman Kengashi kotibiyati mudiri J.Sadirov va kotibiyat xodimi M.Tursunbayeva tomonlaridan o‘rganildi.

🔵O‘rganish jarayonida maktab sport zali, ochiq sport maydonchasi hamda o‘quvchilar foydalanib kelayotgan sport jihozlari ko‘zdan kechirildi. Xususan, futbol, voleybol, basketbol, yengil atletika va boshqa sport turlari uchun mavjud anjomlar holati, ularning yetarliligi va sifati tahlil qilindi.

🔵Shuningdek, jismoniy tarbiya o‘qituvchisi B.Bakirov bilan muloqot o‘tkazilib, o‘quvchilarning sportga qiziqishini oshirish, musobaqalar tashkil etish, iqtidorli yoshlarni aniqlash hamda ularni qo‘llab-quvvatlash borasida amalga oshirilayotgan ishlar muhokama qilindi.

🔵O‘rganish yakunida mavjud kamchiliklarni bartaraf etish, sport jihozlaridan samarali foydalanish va o‘quvchilarning sport bilan muntazam shug‘ullanishi uchun qo‘shimcha imkoniyatlar yaratish yuzasidan tegishli tavsiyalar berildi. Masala deputat tomonidan nazoratga olinadi.