🏥 AHOLI SALOMATLIGI — DOIMIY NAZORATDA

✅Bandixon tumanida aholiga ko‘rsatilayotgan tibbiy xizmat sifatini oshirish hamda tibbiyot muassasalaridagi real holatni o‘rganish maqsadida tizimli nazorat tadbirlari davom ettirilmoqda.

✅Xalq deputatlari Bandixon tuman Kengashi deputati Mirali Omonullayev hamda tuman Kengashi bosh mutaxassisi E.Eshonqulovlar tuman Tibbiyot birlashmasiga qarashli Xo'jayipok OSHPda bo‘lib, muassasa faoliyatini ko‘zdan kechirdilar.

✅O‘rganish davomida asosiy e’tibor quyidagilarga qaratildi:

✅ Xizmat sifati: Bemorlarga ko‘rsatilayotgan tibbiy yordam darajasi va shifokorlarning muomala madaniyati;

✅ Dori-darmon ta’minoti: Imtiyozli dori vositalari va zaruriy tibbiy buyumlarning zaxirasi;

✅ Navbatlar nazorati: Elektron navbat tizimining samaradorligi va fuqarolarning kutish vaqtini qisqartirish choralari;

✅ Sharoitlar: Binoning issiqlik tizimi, sanitariya holati hamda laboratoriya jihozlarining sozligi.

✅Maqsad aniq: Har bir fuqaro o‘z vaqtida, sifatli va munosib sharoitlarda tibbiy yordam olishini ta’minlash!

 Salomatlik — eng oliy ne’mat, uni asrash esa barchamizning burchimizdir.