Таъкидлаш жоизки, туман Кенгашининг 2025 йил 4 декабрдаги VII-16-96-6-89-K/25-сонли қарорига мувофиқ, маҳалла институтини янада мустаҳкамлаш ва аҳолига қулай шарт-шароитлар яратиш мақсадида маҳаллий бюджетнинг 2025 йил 3-чорагида даромадлар режасининг ортиб бажарилган қисми ҳисобидан 250 млн сўм маблағ ажратилган.

Ушбу маблағлар эвазига Қайирма МФЙ учун замонавий янги маъмурий бино қурилиб, фойдаланишга топширилди. Янги бино маҳалла фаолиятини янада самарали ташкил этиш, аҳоли мурожаатларини тезкор кўриб чиқиш ҳамда фуқароларга қулай хизмат кўрсатиш имкониятларини кенгайтиришга хизмат қилади.